للبنات وبس

زمان كان في فيلم أسمه" البنات والصيف" ياترى أنتو فاكرينو ولا... لآ
المهم مش عايزة اطول عليكم أنا دلوقتى بقيت وأنا ماشية فى الشارع والله بستغرب من لبس البنات واللى هما عملينة فى الشارع
..اشي محزق
واشي ملزق .. واشي مفزر.. واشي مزرزر .. وهلما جرة . بس لاحظت ان البنات ثلاثة انواع

النوع الاول : المحترمة والهادية

النوع الثاني: بين البينين

النوع الثالث : المستهبلة على الاخر و مقضياها

بس على فكرة التقسينم دا شكلي فقط

يعنى لما نيجى للنوع الأول من البنات هنشوف أن تصرفاتهم كدة :تمشى مع صاحبتها فى الشارع ويتكلموا بصوت واطي وبطريقة محترمة ولو جيت جمبهم تلاقى الكلام عن الدرس اوالمحاضرات او الصلاة اوالشغل ودايما لبسهم بيكون عباية او جيبة وتونيك طويل .. وفي منهم بنات لابسين اسدال اوملحفة ودول نوعين :منهم اللى لبساه ترويش بقا وتحته جينز و منهم اللى لبساه بأحترام وعلى فكرة بيبان كل دا من طريقة الكلام والمشية..