الغش شغال مفيش عيش .. مفيش جبنة .. مفيش لبن
لألألأ ما تفهمنيش غلط انا مش بشتغل بقال
بس الحكاية ان الدنيا كلها بقت غش × غش
الجبنة .. حطوا عليها بودرة سيراميك
اللبن.. ذودوا يوريا وطباشير وزهرة الغسيل البيضاء
العيش ..شوية شوية هيبقى اصغر من كف الأيد
عسل النحل ..حطوا عليه مياة والنشا بتاع البطاطس و الذرة بعد تحويل النشا لبودرة
السمنة ..حطوا عليها دهون نباتية و فوق اكسيد الهيدروجين بتاع صبغة الشعر
حتى الطماطم والخيار والفاكهة.. كمان بيغشونا فيها ويحطوا عليها مواد كيماوية علشان الحبة تكبر وتأكل معاك
حتى ياعينى المبانى ..الغش وصلها بقوا بيغشوا فى الأسمنت وحديد التسليح
تفتكروا اية تانى فاضل بعد كدا ..
حتى الأطفال فى المستشفى ..الست الحامل من دول تخش المستشفى علشان تولد تؤام مثلا نلاقيها خارجة بعيل واحد
ويقولوا داكان واحد والثانى كان تهيأت
واللى كان بيتعمل افلام كمان بقى بيحصل الراجل او الست تخش تعبانة وعايزة تعمل عملية وبعدين تخرج من العملية من غير كلية او اى عضو اخر ياترى فين العلم عند الله
اما الغش فى الامتحانات دا موضوع تانى واكيد كلنا مجربينوا عن ظهر قلب, وانواعة كتيرمن اللى جنبك واللى وراك واحيانا بناخد المراقب نفسة كوبري .. وممكن نكتب على المسطرة او الالة الحاسبة عارفها طبعا دا غيرالبرشام اللى بيعالج ورقة الامتحان
ولكن الأمر يحتاج الى المذيد من الوعى والتدبر ومعرفة ان كل فرد لابد ان يتقن عملة لان الله يحب اذا عمل احد منا عملا لابد ان يتقنه تمام الاتقان
لابد الا ننسى قول افضل الخلق رسول الله صلى الله علية وسلم " من غشنا فليس منا
وقول الله تعالى "يا أيها الذين أمنوالا تأكلواأموالكم بينكم بالباطل" صدق الله العظيم
