بعدما اصبحت المرأة نصف المجتمع، فأنا اطمح ان تكون هى العالم كله
في سؤال جال بخاطري وهو ماذا يحدث في حال ظهر علاء الدين لسوسووسألها عن
طلب واحد ينفذ لها في الحال؟؟ ثم جاوبت سوسو" انا عايزة احكم العالم"
وفعلا أبو علاء ما كدبش خبروبسرعة نفذ طلبها, وقامت سوسو بسرعة وغيرت العالم 
دا دركسيون العربية بتاعة "سوسو"
تليفون شركة "سوسو" للآتصالات
دى صالة البلياردو بتاعة الست "سوسو
دا مطار " سوسو" الدولي
بس الصراحة "سوسو" اكتشفت في النهاية انها كانت بتحلم والحلم دا ياترى ممكن الحلم يتحقق والدنيا تبقي تحت سيطرة انثى ... ياريت اسمع رأيكم لو الدنيا أتغير حالها وحكمتها واحدة ست هتبقى احلى او لأ
هناك ١١ تعليقًا:
لو الست فعلا زي ما انتي بتقولي دي هتبقى مليطه وهتهيص ديابها على كلابها ده من وجهة نظر منقسمه لشقين الشق الأول انا قولته اما التاني هو ان لو حصل كده والمصباح ده فعلا ظهرلك هتدي نص العالم ليكي والنص التاني لرانيا وده لو حصل تبقى زي ما قال الشاعر الحكيم الدنيا يا عمي خربانه بجد
وكما قال شاعر ايضا الست لما بتكون عايزه تعيش مع الراجل بتعيش وحتى لو نامت معاه على خيش وعجبي
أخوكي العقرب
الأستاذة سوزنا لو الست سوسو اتحكمت فى العالم قولى على نفسنا يا رحمن يا رحيم يبقى ان شاء الله نروح نلبس طرح احسن ونستنى فى بيوتنا لحد لما يجنا العدل وان شاء الله اول ما يطلعلى انا كمان علاء الدين هخليه يحطكم فى كهف ويقفل عليكم علشان نرتاح من وجع الدماغ ده قال ايه سوسو تتحكم فى العالم
حسين
اية المشكلة ان سوسو تحكم العالمبس ما فيش مانع ان الراجل يكون لية دور معاها زى ما بيحصل دلوقتى مش الست نصف المجتمع
واية المشكلة يااسمامة لو قعدتوا فى البيت انتوا حرين الستات عاوزيين يريحوكوا وانتوا اللى غاويين تعب
آه طبعا فعلا عندك حق هي الحياة مع الست سوسو هتبقى أحلى لكن هي متقدرش تتحكم في العالم لأن المركب اللي فيه ريسين يغرق لأن هي بتتحكم في حاجة أهم من العالم وواضح طبعا من الاسم لأن الست سوسو بتتحكم كويس في وسطها والوسط برده مهم ولا إحنا نسينا وسط الست مونيكااللى جري وراه الغلبان كلينتون
لا لا كدا حرام مش كفايه اللى بيعملوه فينا و قال إية كمان عايزين يحكمو العالم و الله دا ظلم و ربنا ميرضاش بالظلم و حتى لو حصل عمرها ما هتقد لآن ربنا فضل الرجل عن المرأة فى حاجات كتير و عمر الحلم دا ما هيتحقق خالص حتى لو أتنططت سوسو و عملت زى القرد و كفاية علينا زنهم و تيجى تقول لجوزها و النبى عايزه دى و هتلقى دى و هى عارفه ظروف جوزها كويس المفروض يعنى تخلى عندها دى شوية و تخف على الراجل إنما تقول إيه عنيها فارغه و يارت بس كدا إنما تحس إنها أول مرة تشوف حاجة و محرومه طول عمرها و مستنيه لما تتجوز و طلع عين جوزها حرااااام
اعتقد انه مش عيب و لا حرام ان المرأة هي اللي تحكم لان مش شايفه ان في امثلة جيدة لما الرجال هما اللي حكموا الدنيا بدون ذكر اسماء روؤساء و حكام كلنا عارفين هما بيحكموا ازاي
ازاي نحكم ان المرأة لما تحكم يبقى هايسود الفساد مثلا او عدم مش هاتنجح طيب مش نديها فرصة الاول و بعدين نشوف
زي ما في حكام كتير من الرجال بيحكموا و بيفشلوا فشل ساحق و مع ذلك مستمرين برضه في اختيارهم كحكام طيب ندي افرصة شوية للسيدات يمكن في حاجه تتغير و بعدين نحكم.
اهم حاجه هي المصلحة العامة يعني مين اللي هايرتقي بالعالم جربنا حكم الرجال و فشل بدليل 2 حرب عالمية و اختراع قنابل ذرية و نووية و اسلحة كيميائية و كتير اوي غيرها.
ندي فرصة بقى للسيدات و نشوف ايه اللي هايحصل مش معقول نحكم على حاجه بالفشل و احنا اصلا ما نعرفش حاجه عنها
ميرسي يامحمود على التعليق بتاعك علشان انت اول واحد تقول ندي فرصة للست انها تثبت وجودها في مكانة اكبر زى ما بقت اول قاضية مصرية لية ما يكونش فية رئيسة مصرية
جميل الموضوع ودمة خفيف
هو يكون في ايه لو سوسو حكمت العالم بسيطة جداً هتلاقيها قاعدة على منصة الحكم وهي شوية مسكة مبرد الأظافر وشوية تمسك المراية والم الروج وطبعا محدش ساعتها هبعترض لان هيكون كل المجلس من عينه سوسو هانم.
روني
مصطفي
اولا ميرسي على مشاركتك بس لية دايما محملين الست كل حاجة وهى اللىىبتقول عايزة عايزة عايزة مع ان الراجل كمان طلباتة ما بتخلصش ولا اية
وبعدين اة المشكلة لو فى مراة حكمت العالم على الاقل هيكون احلى وانظف من اللى احنا فية دلوقتى وكمان هيكون فى متابعة
إرسال تعليق